24 Saat Kur`an-ı Kerim Dinleme

24 Saat Kur`an-ı Kerim Dinleme


   
Evvel andık anı kim evveldir ol 
Evveline bulmadı hiç akl yol 

Evvelin ol evvelidir bigûman 
Ahirin hem ahiridir cavidan 

Çünkü Hak evvelliğin bildik ayan 
Dinle imdi kılayım sûn'un beyan 

Hak Tela ne yarattı evvela 
Cümle mahlukattan kim evvel ola 

Mustafa nurunu evvel kıldı var 
Sevdi anı ol kerimü girgidar 

Her ne türlü kim saadet vardürür 
Yahşi hu, gerekli adet vardürür 

Hak sanâ verdi mükemmel eyledi 
Yaradılmıştan mufaddal eyledi
Andan oldu her nihan-ü aşikar 
Arş-ü ferş-ü yerde gökte ne ki var 

Ger Muhammed olmaya idi ayan 
Olmayıserdi zemin ü asuman 

Hem vesile  olduğu içün ol Resul 
Ademin Hak tevbesini kıldı kabul 

Ger Muhammed gelmeseydi aleme 
Tac-i izzet ermez idi Ademe 

Nuh anıçün buldu hem garktan necat 
Daği doğmadan göründü mûcizat 

Cümle anın dostluğuna adına 
Bunca izzet kıldı Hak ecdadına 

Ceddi olduğiçün anın hem Halil 
Narı cennet kıldı anâ ol Celil
Hem dahi Musa elindeki asa 
Oldu anın hürmetine ejderha 

Ölmeyip İsa gök'e buldu yol 
Ümmetinden olmak için idi ol 

Gerçi kim bunlar dahi mürseldürür 
Lîk Ahmed ekmelü efdaldürür 

Çün temenni kıldılar Haktan bular 
Kim Muhammet ümmetinden olalar 

Sünnetin tut ümmeti ol ümmeti 
Ta nasip ola sanâ Hak rahmeti

24 Saat Kur`an-ı Kerim Dinleme

Evvel Andık